Ámiwdáryada jańa mektep imaratı paydalanıwǵa tapsırıldı

Ǵárezsizligimizdiń 35 jıllıǵı múnásibeti menen Ámiwdárya rayonında qurılıs jumısları izbe-iz dawam etpekte.

Áliysher Nawayı atındaǵı máhállede jaylasqan 30-sanlı ulıwma bilim beriw mektebiniń 660 orınlıq jańa qosımsha imaratı paydalanıwǵa tapsırıldı.

Bul imarattıń qurılısına 8,6 mlrd. sumnan aslam qarjı qaratıldı.

Jańa imarattıń ashılıw máresiminde qatnasıwshılar jaratılǵan zamanagóy sharayatlar oqıwshılardıń sapalı bilim alıwı hám bilimlerin jáne de arttırıwǵa xızmet etetuǵının atap ótti.