Jańa Ózbekstan mektep bosaǵasınan baslanadı

Húrmetli Prezidentimizdiń bilimlendiriw tarawına qaratıp atırǵan itibarı hám qollap-quwatlawı nátiyjesinde búgingi kúnde kóplegen bilimlendiriw dárgaylarında jańadan oqıw imaratları qurılıp, sharayatları jaqsılanbaqta.

Ǵárezsizlik bayramı belgilenip atırǵan búgingi kúnde Beruniy rayonı Abay awıl puqaralar jıyınındaǵı 68-sanlı ulıwma bilim beriw mektebinde iri ońlaw jumısları alıp barıldı hám 120 orınlıq qosımsha imarat, 12x24 ólshemdegi sport zal qurılıp, jańa oqıw jılında oqıwshılardıń paydalanıwı ushın saltanatlı túrde tapsırıldı.

Mekteptiń ońlanıwı hám qosımsha imarat qurılıwı ushın investiciya baǵdarlaması tiykarında 4,5 mlrd. sum qarjı ajıratıldı. Barlıq zamanagóy sharayatlar jaratıldı. Aymaqtıń belsendi nuranıyları hám mektep jámááti qatnasıwında bolıp ótken ashılıw ilajında Ǵárezsizligimizdiń 35 jıllıq bayramına bul imarat múnásip sawǵa bolǵanı ayrıqsha atap ótildi.