Ortaqalada zamanagóy máhálle turmıslıq xızmet kórsetiw orayı jumıs basladı

Búgingi kúnde elimizde Ǵárezsizligimizdiń 35 jıllıǵı keń túrde belgilenip atırǵan bolıp, usınday bayram ilajları qatarında Ámiwdárya rayonınıń Ortaqala awılı aymaǵında máhálle turmıslıq xızmet kórsetiw orayı paydalanıwǵa tapsırıldı.

Bul máhálle kompleksi húrmetli Prezidentimizdiń «Islam rawajlanıw banki hám OPEK xalıqaralıq rawajlanıw qorınıń qatnasıwında «Awıllıq jerlerdi turaqlı rawajlandırıw» joybarın ámelge asırıw ilajları haqqında»ǵı qararı tiykarında qurıldı.

3,6 mlrd. sum qarjı esabınan qurılǵan komplekste xalıqqa xızmet kórsetiw ushın hayal-qızlar hám er adamlar shashtárezxanası, kompyuter xanası, oqıw orayı, sport zalı, tigiwshilik xanası, nanbayxana sıyaqlı xızmetler shólkemlestirilgen.

Jańa oray máhálle xalqına qolaylı hám sapalı xızmet kórsetiw menen birge, jańa jumıs orınların jaratıw, jaslar hám xalıqtıń bántligin támiyinlewge de xızmet etedi.