Jańalanǵan Turan stadionında birinshi futbol ushırasıwı 13-sentyabrde bolıp ótedi
22
Jaqında Nókis qalasındaǵı Turan stadionı tolıq ońlawdan shıǵarılıp, paydalanıwǵa tapsırılǵan edi. Endigiden bılay usı arenada professional futbol ushırasıwların ótkeriw ushın barlıq sharayatlar bar.
Jańalanǵan Turan stadionında Pro-liganıń 19-turınan orın alǵan «Aral» - «Lochin» komandaları arasındaǵı ushırasıw ótkeriledi. Oyın 13-sentyabr – ekshembi kúni bolıp ótedi.
Atap ótiw orınlı, búgingi kúnde Pro-liga oyınlarında «Aral» futbol komandamız 17-tur oyınları juwmaǵı menen jámi 42 ochko jıynap, jetekshilikti qoldan bermey kelmekte.
Bárshe futbol ıqlasbentlerin Turan stadionında komandamızdı qollap-quwatlawǵa shaqırıp qalamız.