«Perspektivalı mámleketlik xızmetker» tańlawı jeńimpazları sıylıqlandı

Qaraqalpaqstan Respublikası Joqarǵı Keńesi hám Ózbekstan Respublikası Prezidenti janındaǵı Basqarıw nátiyjeliligi agentligi menen birgelikte «Perspektivalı mámleketlik xızmetker» tańlawı ótkerilgen edi.

Tańlaw juwmaqları boyınsha jeńimpazlardı sıylıqlaw máresimi ótkerildi.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev, Basqarıw nátiyjeliligi agentligi direktorınıń orınbasarı A.Salixov qatnastı.

Tańlaw 5 basqıshta shólkemlestirilgen bolıp, onıń maqseti - jas, potenciallı kadrlardı mámleketlik xızmetke tartıw, olardıń kásiplik kompetentligin, jetekshilik qábiletin rawajlandırıw arqalı mámleketlik basqarıwda proaktivlikke, nátiyjelilikke xızmet etetuǵın kadrlar korpusın qáliplestiriw bolıp esaplanadı.

Ótkerilgen ilajda tańlaw nátiyjeleri járiyalanıp, jeńimpazlar sıylıqlandı hám olarǵa bir mártelik aqshalay sıylıq hám Joqarǵı Keńestiń Húrmet jarlıqları tapsırıldı.