Ulıwma orta bilim beriw shólkemlerinde «Juniors Tennis Initiative» baǵdarlaması engiziledi

📜 Qararǵa muwapıq, 2027-jıl 1-yanvardan ulıwma orta bilim beriw shólkemlerinde «Juniors Tennis Initiative» baǵdarlaması engiziledi. Onda baǵdarlama sheńberinde:

- 1-4-klass oqıwshıları ushın dene tárbiyası sabaqlarında tenniske qızıǵıwshılıqtı qáliplestiriw boyınsha baslanǵısh shınıǵıwlar jolǵa qoyıladı;

- oqıwshılardıń tenniske qızıǵıwshılıǵı hám de sport infrastrukturası bar ekenligine qarap tennis rawajlandırılatuǵın ulıwma orta bilim beriw shólkemleri tańlap alınadı;

- tańlap alınǵan ulıwma orta bilim beriw shólkemlerinde tennis boyınsha sport sekciyaları shólkemlestiriledi hám olardıń materiallıq-texnikalıq bazası jaqsılanıp, sport inventarları, sonıń ishinde, «tennis wall» úskeneleri menen Ózbekstan tennis federaciyası qarjıları esabınan úskenelenedi;

- shınıǵıwlar tańlanǵan ulıwma orta bilim beriw shólkemi jaylasqan aymaqtaǵı sport mektebinen tartılǵan trenerler tárepinen alıp barıladı.

📖 Qarar menen 2023-jıl 7-apreldegi PQ-114-sanlı qararınıń 7-qosımshasınıń 9 hám 10-bántlerindegi muǵdarlarǵa tómendegishe ózgerisler kirgizildi:

🔸 9. Aziya hám Paraaziya oyınlarınıń jeńimpazları hám sıylı orın ieleri tómendegi muǵdarda bir mártelik aqshalay sıylıq penen xoshametlenedi:

▫️ altın medal ushın - 25 000 AQSh dolları;

▫️ gúmis medal ushın - 12 500 AQSh dolları;

▫️ bronza medal ushın - 6 250 AQSh dolları.

🔸 10. Aziya hám Paraaziya oyınlarında jeńimpaz hám sıylı orın ieleri bolǵan sportshılardı tayarlaǵan trenerler tómendegi muǵdarda bir mártelik aqshalay sıylıq penen xoshametlenedi:

▪️ altın medal ushın - 10 000 AQSh dolları;

▪️ gúmis medal ushın - 5 000 AQSh dolları;

▪️ bronza medal ushın - 2 500 AQSh dolları.