25-27-sentyabr kúnleri Nókis qalasında xalıqaralıq forumlar bolıp ótedi

Usı jıldıń 25-sentyabr kúni Nókis qalasındaǵı «Aq quw» kompleksinde xalıqaralıq duzdı qayta islew hám duz-ximiya sanaatın rawajlandırıwǵa qaratılǵan «Duzdı qayta islew boyınsha xalıqaralıq investiciya forumı» ótkeriledi.

Onda Qaraqalpaqstannıń duzdı qayta islew boyınsha bar bolǵan potencialı, derlik sheklenbegen resursqa ie Barsakelmes duz káni hám «Kungrad Salt Free Zone» sanaat zonası imkaniyatları, jergilikli sanaat kárxanaları tárepinen islep shıǵarılıp atırǵan ónimler kórsetiledi.

Sonday-aq, 26-27-sentyabr kúnleri aralıǵında Ózbekstan (Qaraqalpaqstan) – Qıtay aymaqlar aralıq sawda-ekonomikalıq forumı ótkeriledi.

Forum sheńberinde sırt elli investorlar menen ushırasıwlar, B2B sóylesiwleri shólkemlestiriledi.

Bárshe isbilermenlerdi xalıqaralıq forumlarda qatnasıwǵa mirát etemiz.