Turan stadionında Nókis derbisi ótkeriledi
50
Usı jıldıń 18-oktyabr kúni Turan stadionında Ózbekstan Pro Ligasınıń ózine tán oyını bolıp ótedi.
Futbol ıqlasbentleri ushın qızıqlı oyın bolıwı kútilmekte.
Onda «Aral» komandası 23-tur sheńberinde respublikamızdıń jáne bir komandası «QMU Jayxun»ǵa qarsı maydanǵa túsedi.
Atap ótiw orınlı, búgingi kúnde Pro Liga oyınlarında «Aral» futbol komandamız 22-tur oyınları juwmaǵı menen jámi 55 ochko jıynap, jetekshilikti qoldan bermey kelmekte.
Al, «QMU Jayxun» komandamız bolsa, 24 ochko toplap, Pro Ligadaǵı oyınların dawam ettirmekte.
Bárshe futbol ıqlasbentlerin Turan stadionına shaqırıp qalamız.