XOSH XABAR!

QMU – Aziyanıń eń jaqsı universitetleri qatarında!

"Quacquarelli Symonds (QS)" xalıqaralıq reyting agentligi tárepinen Aziyanıń eń jaqsı joqarı oqıw orınları reytingi – "QS World University Rankings: Asia – 2027" járiyalandı. Quwanıshlı tárepi, bul xalıqaralıq reytingten Berdaq atındaǵı Qaraqalpaq mámleketlik universiteti de múnásip orın iyeledi.

Bul nátiyje, eń dáslep, húrmetli Prezidentimiz tárepinen bilimlendiriw tarawına, atap aytqanda, Qaraqalpaqstanda bilimlendiriwdiń sapasın arttırıw, joqarı bilimlendiriw mákemeleriniń ilimiy hám akademiyalıq potencialın arttırıwǵa qaratılıp atırǵan joqarı itibar hám jaratılıp atırǵan keń imkaniyatlardıń ámeliy kórinisi bolıp tabıladı.

Sonıń menen birge, bilimlendiriw sistemasında izbe-iz ámelge asırılıp atırǵan reformalar, bilimlendiriw hám ilim integraciyasın bekkemlew, xalıqaralıq birge islesiwdi keńeytiw jáne joqarı bilimlendiriw mákemeleriniń xalıqaralıq akademiyalıq maydandaǵı abırayı hám básekige shıdamlılıǵın arttırıw baǵdarındaǵı háreketlerdiń áhmiyetli nátiyjesi bolıp esaplanadı.

Bul jetiskenlik universitet jámááti ushın úlken jetiskenlik bolıp, keleshekte bilimlendiriwdiń sapasın hám ilimiy potencialdı jáne de arttırıw, xalıqaralıq kólemdegi abıraydı bekkemlew jolında jańa sheklerdi iyelewge xızmet etedi.