"Qaraqalpaqstan Respublikasında alıp barılıp atırǵan reformalardı jáne de jedellestiriwge qaratılǵan ilajlar haqqında"ǵı Ózbekstan Respublikası Prezidentiniń 393-sanlı qararı menen:

Rayonda (qalada) ekonomikalıq ósiw hám jańa jumıs orınların jaratıwǵa túrtki beretuǵın drayver joybarlar infrastrukturasın jaqsılaw ushın 100 milliard sum;

-Qońırat rayonı "Qaraqalpaqstan" posyolka puqaralar jıyının Jańa Ózbekstan kórinisindegi máhállege aylandırıw ushın 15 milliard sum qarjı ajıratıladı.

Nókis qalası 23-kishi rayonındaǵı Nur hám Elabad máhállelerinde Tashkent qalası jergilikli byudjetiniń arttırıp orınlanǵan bólegi hám Tashkent qalasın rawajlandırıw qorınıń qarjıları esabınan abadanlastırıw, kóklemzarlastırıw, kapital ońlaw hám qurılıs jumısları ámelge asırıladı.

Bunda:

-Tashkent qalası jergilikli byudjetiniń arttırıp orınlanǵan bóleginen hám Tashkent qalasın rawajlandırıw qorınıń esabınan 100 milliard sum qarjılar ajıratıladı;

- 2027-jıldıń aqırına shekem tartılǵan sırt el kompaniyası menen Qaraqalpaqstan Respublikasın rawajlandırıwdıń keńislik-aymaqlıq strategiyasınıń joybarı islep shıǵıladı. Onda qala hám rayonlardıń óz-ara hám xalıqaralıq ekonomikalıq koridorlarǵa transport baylanıslıǵın jaqsılaw názerde tutıladı;

- 2027-jıl 1-fevralǵa shekem Jáhán banki qatnasıwındaǵı "Ózbekstanda jasaw ushın qolaylı hám turaqlı qalalar" baǵdarlamasınıń ekinshi basqıshına Nókis qalası, Ámiwdárya hám Beruniy rayonlarınıń orayları qosıladı;

- usı baǵdarlama sheńberinde drayver joybarlar jáne sociallıq hám óndirislik infrastrukturanı rawajlandırıw ushın nátiyjege tiykarlanǵan qarjılandırıw mexanizmi tiykarında 100 million AQSH dolları muǵdarındaǵı qarjılar qaratıladı.