"Qaraqalpaqstan Respublikasında alıp barılıp atırǵan reformalardı jáne de jedellestiriwge qaratılǵan ilajlar haqqında"ǵı Ózbekstan Respublikası Prezidentiniń PQ-393-sanlı qararı menen:
Turizmdi rawajlandırıw baǵdarında:
Quslardı baqlaw turizmin (Birdwatching Tourism) jolǵa qoyıw maqsetinde:
- quslar hám olardıń jasaw aymaqların saqlaw boyınsha "BirdLife International" xalıqaralıq associaciyasınıń dizimine kirgizilgen Sudoche kóller sisteması uchastkasınıń bufer zonasında quslardı baqlaw destinasiyası (turistlerdi tartatuǵın geografiyalıq aymaq) shólkemlestiriledi;
- ekoturizm marshrutları global qáwip astında bolǵan túrlerge zıyan jetkermey, barıw múmkin bolǵan jónelislerde anıq belgilenedi;
- Ramsar konvenciyası talaplarınan kelip shıǵıp, Sudoche kóller sisteması suw támiynatın hám quslardı baqlaw destinciyasın infrastruktura obektleri menen támiyinlew ushın 2027-jılı Ózbekstan Respublikası respublikalıq byudjetinen esap-sanaqlarǵa bola qarjı ajıratıladı.
Qaraqalpaqstan Respublikasınıń turizm infrastrukturasın jáne de jaqsılaw maqsetinde Qaraqalpaqstan Respublikası Ministrler Keńesi shólkemlestiriwinde juwapkershiligi sheklengen jámiyet túrinde Turizm infrastrukturasın rawajlandırıw hám de sayaxat ushın kontentler tayarlaw direkciyası shólkemlestiriledi.
❗️Tómendegishe tártip ornatıladı, oǵan muwapıq Qaraqalpaqstan Respublikasında:
Turizm direkciyası:
- turizm infrastrukturası obektleri joybarların ámelge asırıwda buyırtpashı hám de turizm obektlerin balansta saqlawshı esaplanadı;
- aymaqtıń ájayıp tábiyatın dúnyaǵa kórsetiw arqalı turistlerdi tartıwshı kontentler tayarlaw hám turistlerge media sherik sıpatında xızmet etetuǵın 10 dana dron satıp aladı;
- nızamshılıqta dronlardıń ushıwı ruxsat etilmegen jerlerde dronlardan paydalanbaw talaplarına qatań ámel etedi;
- turistlerge tólemli xızmetlerdi kórsetedi;
- tólemli xızmetlerden túsken qarjılar Turizm direkciyasın saqlaw hám oǵan júklengen wazıypalardı orınlaw menen baylanıslı qárejetler shegirilgen halda Qaraqalpaqstan Respublikası respublikalıq byudjetine ótkeriledi.