"Qaraqalpaqstan Respublikasında alıp barılıp atırǵan reformalardı jáne de jedellestiriwge qaratılǵan ilajlar haqqında"ǵı Ózbekstan Respublikası Prezidentiniń PQ-393-sanlı qararı menen:

❗️Qazılma kánlerinen paydalanıw arqalı "shiyki zat – tayar ónim – eksport" shınjırın jaratıw maqsetinde:

- Qońırat rayonındaǵı "Barsakelmes" duz káni aymaǵında shólkemlestirilgen duzdı qayta islewge qánigelestirilgen "Kungrad Salt Free Zone" sanaat zonasın basqarıw maqsetinde Qaraqalpaqstan Respublikası Ministrler Keńesiniń shólkemlestiriwinde juwapkershiligi sheklengen jámiyet túrinde Duz rezervlerinen paydalanıw direkciyası shólkemlestiriledi.

Tómendegiler Direkciyanıń tiykarǵı wazıypaları etip belgilenbekte:⬇️

- jerlerdi elektron onlayn aukcion sawdalarına shıǵarıw, joybarlardıń ámelge asırılıwın monitoring etiw hám qadaǵalaw jáne sanaat zonasın basqarıw menen baylanıslı basqa da funkciyalardı orınlaw;

- duz kánlerinen aqılǵa uǵras paydalanıw, duz shiyki zatı rezervlerin bahalaw hám birden-bir sanlı maǵlıwmatlar bazasın qáliplestiriw;

- duz shiyki zatı qazıp alınǵan uchastkalarda duz qatlamlarınıń qayta tikleniwine zárúr sharayatlar jaratıw hám kán maydanların basqıshpa-basqısh rekultivaciyalaw hám turaqlı monitoring etip barıw;

- duz shiyki zatın jergilikli qayta islewshilerge milliy brendti jaratıw hám baslamalardı alǵa qoyıwǵa baylanıslı máselelerdi sheshiwge járdemlesiw.

Nızamshılıqta Direksiyaǵa qosımsha wazıypalar da júkleniwi múmkin.