"Qaraqalpaqstan Respublikasında alıp barılıp atırǵan reformalardı jáne de jedellestiriwge qaratılǵan ilajlar haqqında"ǵı Ózbekstan Respublikası Prezidentiniń PQ-393-sanlı qararı menen:
Qaraqalpaqstan Respublikasında:
- investiciyalıq joybarlardı qarjılandırıw ushın kommerciyalıq bankler tárepinen 2027-2030-jıllarda Tikleniw hám rawajlanıw qorınıń 100 million AQSH dolları ekvivalentindegi milliy valyutadaǵı qarjıları 2 jıllıq jeńilletilgen dáwir menen 7 jıl múddetke jıllıq 10 procent stavkada tartıladı;
- usı qarjılar esabınan kommerciyalıq bankler tárepinen isbilermenlik subektleriniń sanaat hám xızmet kórsetiw joybarlarına 2 jıllıq jeńilletilgen dáwir menen 7 jılǵa shekem jıllıq 14 procent stavkada (sonnan 4 procent bank marjası) kredit qarjıları ajıratıladı;
- kredit qarjıları joybar hújjetleri islep shıǵılıp, ekspertizadan ótkerilgennen soń ajıratıp barıladı.
❗️Tómendegishe tártip ornatıladı, oǵan muwapıq Qaraqalpaqstan Respublikasında:
- 2026-jıl 15-noyabrden baslap shańaraqlıq isbilermenlikti rawajlandırıw baǵdarlamaları sheńberinde jeńilletilgen kreditler 12 procent stavkada ajıratıladı hám 2027-jıldan kredit resurslarınıń kólemi eki esege arttırıladı;
- Jańa jumıs orınların shólkemlestiriwdi xoshametlew aymaqlıq fondınıń qarjıları esabınan 5 jıl múddetke, jıllıq 8 procent stavkada kredit liniyası ashılıp, kommerciyalıq bankler tárepinen isbilermenlik subektlerine 5 jıl múddetke jıllıq 12 procent stavkada (sonnan 4 procent bank marjası) 1 milliard sumǵa shekemgi muǵdarda (hár bir joybarǵa);
jańadan mámleketlik emes mektepke shekemgi bilimlendiriw shólkemin shólkemlestiretuǵın isbilermenlik subektlerine 15 jıl múddetke 5 jıllıq jeńilletilgen dáwir menen 7 procent stavkada kredit ajıratıladı.