"Qaraqalpaqstan Respublikasında alıp barılıp atırǵan reformalardı jáne de jedellestiriwge qaratılǵan ilajlar haqqında"ǵı Ózbekstan Respublikası Prezidentiniń PQ-393-sanlı qararı menen:

20 mıń jastı IT hám logistika tarawlarında oqıtıw shólkemlestiriledi hám bul tarawda jańa biznes hám startaplar jolǵa qoyıladı;

- alıs aymaqtaǵı jaslardı IT tarawına oqıtıp, 1,5 mıń joqarı dáramatlı jumıs orınların jaratıw ushın keminde 10 qábiletli watanlaslarımız sırt elden Qaraqalpaqstanǵa alıp kelinedi;

- Nókis qalasında jańadan zamanagóy standartlarǵa juwap beretuǵın 20 qabatlı biznes orayı qurıladı.

❗️Sonday-aq, Qaraqalpaqstanda 2027-jıl 1-aprelden:

- Aral aymaǵınıń 50 mıń gektarında basqıshpa-basqısh toǵaylastırıw joybarı baslanadı hám xalıqaralıq uglerod birlikleri bazarına baǵdarlaw boyınsha barlıq shólkemlestiriw ilajları kóriledi;

- Sırtqı isler ministrligi menen birgelikte Yaponiya, Koreya Respublikası, AQSH, Kanada, Ullı Britaniya, Avstraliya sıyaqlı mámleketler menen sóylesiw ótkerilip, birge islesiwshilerdi tartıw ilajları kóriledi;

- "Jasıl ekonomika joybarları orayı" joybarlaw ofisi tárepinen bul ilajlardı ámelge asırıw maqsetinde úsh ay múddette xalıqaralıq finans shólkemlerinen qánigeler tartıladı.

- Toǵaylastırıw joybarın ámelge asırıw nátiyjesinde qáliplesetuǵın uglerod birlikleriniń xalıqaralıq sawdasınan payda bolatuǵın túsimlerden qalǵan sap dáramattı ( ámelge asırıw menen baylanıslı barlıq qárejetlerdi, sonıń ishinde, kapital hám operaciyalıq qárejetlerdi shıǵarǵan halda) jergilikli byudjetke qaratıw ilajları kóriledi.