Nókis qalası átirapında «Jasıl belbew» payda etiw boyınsha jumıslar baslap jiberildi

Húrmetli Prezidentimizdiń Qaraqalpaqstan ushın óz aldına qabıl etilgen arnawlı qararı tiykarında Nókis qalası átirapında 15 mıń gektar maydanda «Jasıl belbew» toǵayzarların jaratıw belgilep berilgen edi.
Mine usı tiykarda búgin qorshaǵan ortalıqtı qorǵawda hám ekologiyalıq turaqlılıqtı támiyinlewde ayrıqsha orın tutatuǵın bul iygilikli baslama baslap jiberildi.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, húrmetli Prezidentimizdiń basshılıǵında jasıl aymaqlardı jaratıwǵa qaratılıp atırǵan ayrıqsha itibar hám bul baǵdarda ámege asırılıp atırǵan ilajlar haqqında atap ótti.
Sonı ayrıqsha aytıw kerek, búgingi kúnde jasıl belbew jaratıw ushın 15 mıń gektar jer maydanı tańlap alınǵan bolıp, dekorativ terek nálleri hám shólge shıdamlı seksewiller egiliwi názerde tutılǵan.
Álbette, bul baslama tiykarında egilgen terek nálleri xalqımızdıń salamatlıǵın qorǵawda, ekologiyalıq jaǵdaydı jaqsılawda áhmiyetli orın iyeleydi.
Ilaj dawamında jaslar, nuranıylar, mákeme-shólkem xızmetkerleri hám keń jámiyetshilik wákilleri bul sawaplı iske óz úlesin qosıp, jaqsı niyetler menen terek nállerin otırǵızdı.


.jpg)

.jpg)


.jpg)
.jpg)