"Qaraqalpaqstan Respublikasında alıp barılıp atırǵan reformalardı jáne de jedellestiriwge qaratılǵan ilajlar haqqında"ǵı Ózbekstan Respublikası Prezidentiniń PQ-393-sanlı qararı menen:

2027-2028-jıllarda I.V.Savickiy atındaǵı Qaraqalpaqstan mámleketlik kórkem óner muzeyiniń 1-blogi 40 mlrd. sum esabınan rekonstrukciyalanadı.

Bunda:

- bas joybarlaw hám bas kesip alıp islewshi eń jaqsı usınıs tiykarında anıqlanadı;

- qurılıs jumıslarına 30 procent avans, qurılıs materialı hám úskene satıp alıwına 100 procent aldınnan tólenedi;

- kesip alıp islewshi, joybarlawshı, xızmet kórsetiwshi, jetkerip beriwshi, ónim satıwshılar hám sırt elli konsultant tuwrıdan-tuwrı shártnama tiykarında tartıladı;

- 2028-jılǵa shekem basqıshpa-basqısh tayarlanatuǵın joybar tiykarında qurılıs jumısları ámelge asırıladı.

Nókis qalasındaǵı “Ǵárezsizlik” MPJ aymaǵında zamanagóy hám ájayıp arxitekturalıq sheshimler tiykarında Ónermentler orayı hám alleya qurıladı.

Moynaqtaǵı Aral teńizi tariyxı muzeyin modernizaciyalaw ushın joybar-smetasın islep shıǵıwǵa sırt el kompaniyası usınıs sorawı tiykarında anıqlanadı.