"Qaraqalpaqstan Respublikasında alıp barılıp atırǵan reformalardı jáne de jedellestiriwge qaratılǵan ilajlar haqqında"ǵı Ózbekstan Respublikası Prezidentiniń PQ-393-sanlı qararı menen:

Taxtakópir rayonında “Shinjon” tájiriybesi tiykarında 1 000 gektar maydanda sharwa azıqlıq eginlerin jetistiriw hám de Mongoliya, Túrkiya, Qıtay hám Avstraliyadan 5 mıń bas qoy-eshki alıp kelip, kóbeytiw boyınsha pilot joybar ámelge asırıladı.

Suw támiynatı awır aymaqlarda tik qudıqlardı burǵılaw ushın zárúr awısıq bólek hám ońlaw xızmetin satıp alıwǵa Qaraqalpaqstan Respublikası Suw xojalıǵı qarjılarınan 1,5 mlrd sum ajıratıladı.

Xalıqqa qolaylıqlar jaratıw maqsetinde Qońırat rayonı “Qaraqalpaqstan” hám “Jaslıq” puqaralar jıyınları aymaǵında “Xalıq banki” shaqapshaları shólkemlestiriledi.

Xalıqtı suyıltılǵan gaz benen óz waqtında támiyinlew maqsetinde Tórtkúl rayonı “Ullıbaǵ” APJ aymaǵında jańa suyıltılǵan gaz toltırıw shaqapshası shólkemlestiriledi.