"Qaraqalpaqstan Respublikasında alıp barılıp atırǵan reformalardı jáne de jedellestiriwge qaratılǵan ilajlar haqqında"ǵı Ózbekstan Respublikası Prezidentiniń PQ-393-sanlı qararı menen:

Qaraqalpaq eliniń ullı perzenti, shayır hám oyshıl Berdaq Ǵarǵabay ulı tuwılǵanınıń 200 jıllıǵın keńnen belgilew boyınsha bir ay múddette óz aldına baǵdarlama islep shıǵıladı.

Beruniy rayonında balıqshılıq joybarların ámelge asırıw ushın tańlanǵan jer uchastkalarınıń kategoriyası Húkimetlik komissiya tárepinen jasalma kól jaratıw ushın ózgertilip beriledi.

Kegeylidegi teplicaǵa gaz tartıw, transformator hám quyash panel ornatıw hámde onıń aymaǵında shólkemlestirilgen 50 sotıx júzimzarlıq, 500 bas úyrek baǵıwshılıq hám xolodilnik qárejeti Kámbaǵallıqtı qısqartıw mámleketlik maqsetli fondınan qaplanadı.

Organikalıq pomidor jetistiriw joybarına Diyqan xojalıqları hám qıytaq jer iyeleri fondınan qosımsha 1,2 mlrd sum lizing ajıratıladı.

10 mıń gektarda qawın jetistiriw ushın «Uzbek-Melons» kompaniyası shólkemlestiriledi hám 10 mlrd sum ajıratıladı hámde oǵan bos turǵan texnikum yamasa kolledj imaratı «nol» bahada beriledi.