Ózbekstan ziyalıları Keńesi aymaqlıq májilisi ótkerildi

Búgin Qaraqalpaqstan ilimiy-ámeliy medicina akademiyasında Ózbekstan ziyalıları Keńesi aymaqlıq májilisiniń ashılıwına arnalǵan ilaj ótkerildi.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, ilajdıń ashılıwı múnásibeti menen jıynalǵanlardı qutlıqladı.

Atap ótilgenindey, húrmetli Prezidentimizdiń basshılıǵında xalqımızdıń abadan turmısın támiyinlew baǵdarında keń kólemli dóretiwshilik jumısları ámelge asırılıp atırǵan bolıp, bunday iygilikli baslamalardı turmısqa engiziwde ziyalılarımızdıń tutqan ornı ayrıqsha esaplanadı.

Búgingi ótkerilgen ilaj bir neshe taraw ziyalıları bir orınǵa jıynalıp, elimizdiń keleshegi boyınsha óz-ara pikirlesiw, máselelerdi talqılaw maydanı boldı hám dúnyada júz berip atırǵan mádeniy, siyasiy hám texnologiyalıq ózgerisler, sonday-aq, qádiriyatlar transformaciyası sharayatında mámleketimiz rawajlanıwı jolında ziyalılarımızdıń tutqan ornın ele de arttırıwǵa qaratıldı.

Onda elimizdi hár tárepleme rawajlandırıw boyınsha ziyalılardıń pikir-usınısları tıńlandı hám Respublikalıq Keńeske Qaraqalpaqstannan wákiller saylandı.

Búgingi májiliste Qaraqalpaqstanlı ziyalılar tárepinen elimizdiń keleshegine baylanıslı bir qatar áhmiyetli baslamalar hám usınıslar bildirilip, aldaǵı wazıypalar haqqında sóz etildi.