Qaraqalpaqstanda zıyalılar keńesiniń aymaqlıq májilisi ótkerilmekte

Búgin, 10-noyabr kúni Qaraqalpaqstan Respublikasında "Ózbekstan zıyalıları keńesi"niń "Jańa Ózbekstan zıyalıları — milliy rawajlanıw tayanıshı" súreni astındaǵı aymaqlıq májilisi bolıp ótpekte.

Onda ilim, bilimlendiriw, medicina, ádebiyat, mádeniyat hám basqa da tarawlardıń wákilleriniń qatnasıwında mámlekettiń rawajlanıwında zıyalılardıń ornı hám juwapkershiligin arttırıw, milliy qádiriyatlardı saqlaw, ilimiy-intellektuallıq potencialdı rawajlandırıw jáne jas áwladtı tárbiyalawǵa baylanıslı áhmiyetli máseleler dodalanbaqta.

Ilaj dawamında qaraqalpaqstanlı zıyalılar tárepinen elimiz keleshegi, jámiyetimizdiń rawajlanıwı hám milliy rawajlanıwǵa qaratılǵan bir qatar baslama hám usınıslar alǵa qoyılmaqta.